CALLOBRE C.F. Facendo Canteira dende 1941
CALLOBRE C.F.Facendo Canteira dende 1941

Benvidos á páxina web do Callobre c.f.

Facendo Canteira dende 1941.

EQUIPO RIVAL DÍA HORA L/V RSTDO GOLES
SENIOR            
XUVENIL EF Lalín Sábado 18.00 L  

 

CADETE Dubra Domingo

12.00

V  

 

INF A Val do Ulla Sábado 11.00 V  

 

INF B Bertamiráns Sábado 11.00

L

   
INF C Belvís Sábado 09.30 L  

 

ALEVÍN A Silleda Sábado 16.00

L

   
ALEVÍN B  

 

 

 

 

 

ALEVÍN C            
BENX A Val do Ulla Sábado 13.00 L  

 

BENX B Val do Ulla Sábado

13.00

L  

 

PB2      

 

   
PB1 A Castiñeiriño Sábado 20.00

M.Postes

   
PB1 B Oroso Sábado 19.15 M.Postes    
EEFB A Cruces. Sábado ás 16.00 horas en O Camballón.
EEFB B Val do Ulla. Sábado ás 13.00 horas en O Coto
EEFB C Silleda. Sábado ás 13.00 horas en O Outeiriño
Este ano non poremos os resultados dos BIBES...só queremos que o pasen ben e se divirtan, como nós o facemos con eles.

 

CRÓNICAS DAS XORNADAS 2014-15  /// Goleadores-

Sábado 18 de abril de 2015

 

DOMINGO DE FÚTBOL EN SAN MARTIÑO 

 

Mañán domingo temos fútbol de alta escola en Callobre. 

De primeiro prato o noso infantil xógase a posibilidade de participar na fase de ascenso á Galega diante do líder invicto, o Oroso que leva 31 de 31 nesta liga (93 puntos posibles feito...case nada). Necesitamos un empate polo menos para depender de nós mesmos nas últimas xornadas. Complicadísimo, sen dúbida, pero hai que intentalo.

De segundo prato o equipo cadete recibe ao Sporting Estrada no derbi estradense con moito en xogo. Os nosos necesitan un empate para certificar a permanencia e os amarelos unha vitoria para seguir enganchados á Liga. Así que...todo aquel que non teña plans para mañán a vivir o fútbol base en San Martiño. 
Sorte para todos...e aos nosos a dalo todo.

 

Venres 10 de abril de 2015

 

NOVA EDICIÓN DO CURSO DE MONITOR DE FÚTBOL BASE DE A ESTRADA

 

O vindeiro 4 de maio dará comezo un nova edición do curso de monitor de fútbol base no noso pobo. O mércores tivo lugar a presentación do mesmo no Concello e onte saíron publicadas as bases para a inscrición no mesmo. Recordamos da obrigatoriedade para a tempada que vén de estar en posesión do título para poder adestrar en calquer categoría así que aquel que algún día queira adestrar aquí ten a chave para poder facelo. Deixamos o enlace directo á web.

www.futgal.es(monitor A Estrada)

 

INICIO DOS BIBES DA NOVA ESCOLA

 

Chegou o día no que a EEFB comeza a andar. Tres equipos das xeracións máis novas do pobo debutarán na competición por primeira vez unindo a Sporting e Callobre nunha soa forza. Temos gañas de velos en acción porque hai moito diamante en bruto por pulir pero imos avisando de que A Estrada xa está chamando á porta...
Val do Ulla- EEFB A: Sábado ás 12.30 

EF Silleda- EEFB B: Sábado ás 16.00 (antes do noso equipo xuvenil)

EF Lalín - EEFB C: Sábado ás 11.00.

 

Ollo porque ven unha xeración chea de zurdos...e xa sabedes o que di o refrán: "non hai zurdo malo"

 

Luns 6 de abil de 2015

 

TORNEOS DO SÁBADO 4 DE ABRIL

 

Dispar foi a sorte dos nosos equipos nos torneos do sábado de Semana Santa. O combinado alevín atopouse cun duro grupo en Ames e non foi quen de superar a fase previa para despois caer na consolación diante do Boqueixón cun solitario tanto que nos deixaba fóra. Boa experiencia a pesar dos resultados con rapaces compartindo equipo por primeira vez.

E boa imaxe e bos resultados os dos benxamíns A en Caldas que superaron a fase previa prantándose na fase final para competir cos mellores equipos de Galicia, Depor e Celta entre eles. O sábado venciamos ao Ulla e tamén ao San Martín deixando a clasificación pechada antes do terceiro partido no que xa non nos xogabamos nada. O domingo era o turno da fase final. O cansanzo fixo aparición pero fixemos un bo torneo. Caímos diante do Victoria de A Coruña por 2-0 con 2 goles de saque de corner e tamén 3-1 diante do Barbadás nun partido no que merecimos máis. No terceiro partido conseguimos vencer ao Conxo (1-0) pero quedamos fora por un só gol. Aínda así balance moi positivo dun equipo competitivo cando quere selo.

 

Domingo 5 de abril de 2015

 

PERMANENCIA ASEGURADA NA CATEGORÍA XUVENIL E VIRTUAL NA CATEGORÍA CADETE.

 

Foi bo o fin de semana para os nosos equipos de f-11 con pleno de vitorias. Estas serviron para certificar a permanencia na primeira autonómica dos nosos un ano máis. O equipo xuvenil conseguiuno matemáticamente logo de derrotar ao Cordeiro afianzándose ademáis na sétima praza e os cadetes de forma virtual logo de vencer en Valga por 1-5. Espectacular remontada dos rapaces de Patxi que superaron as adversidades e xa encadean 5 triunfos consecutivos. Noraboa a todos. Gran ano. Esperemos que os vindeiros sexan mellores aínda...

Agora é o turno do equipo infantil A que por xogadores e calidade debería meterse na fase de ascenso á galega. Sen embargo está compricada a cousa...faltan 4 partidos, necesitamos 10 puntos e visítanos o Oroso (lider con todo vitorias). Toca remar.

 

Sábado 4 de abril de 2015

 

RESULTADOS DOS TORNEOS

Xa remataron os primeiros torneos para os nosos equipos e fixérono con boa nota.

O xoves foi o turno dos prebenxamíns. Os maiores desrprazáronse ata Arrabaldo deixando unha moi boa imaxe, acabando cuartos na fase final logo de quedar encadrado no grupo máis forte da fase previa e atopar duros rivais na fase final. O Vila do Corpus apeounos nas semifinais e o Pabellón venceunos 2-1 na loita polo 3º posto. Bo traballo.

Os pb1 non foron quen de amosar a súa mellor cara en Lestedo pero aínda así fixeron un bo torneo con resultados bos, malos e regulares pero pasando un día divertido de fútbol sala.

O venres turno para os alevíns tamén en Arrabaldo que acabaron na 3ª posición. Duros rivais en todo o torneo, cun compricado grupo que se resolveu aos goles e superando os cuartos dende o punto de penalti cun espectacular Alex na portería  detendo ata 5 lanzamentos. Caímos nas semis tamén dende o punto fatídico pero conseguimos o 3º posto logo de xogar o noso mellor partido en todo o torneo. Como sempre neste equipo, momentos de auxe e outros máis oscuros pero boa nota para os alevíns.

O equipo infantil de primeiro ano tiña unha dura proba en Lalín. Comezamos ben vencendo ao Calasancio pero non tivemos sorte co resto de rivais, 3 das grandes canteiras de Galicia: Pabellón, Victoria de A Coruña e finalmente nas eliminatorias o Pabellón de Ourense. Competimos, melloramos e pasamos un bo día de fútbol e calor.

 

Xoves 2 de abril de 2015

 

SEMANA SANTA DE TORNEOS

 

Empezan os días completos de fútbol para os nosos equipos que xa hoxen competirán por distintos puntos da nosa xeografía.

Un combinado dos PB1 desprázanse ata Lestedo para xogar o torneo organizado polo San Mamed no pavillón, mentres que os PB2 viaxarán ata Arrabaldo para disfrutar cos nosos amigos oresáns dun día de fútbol.

Máis preto de nós, os cadetes participarán no campionato que organiza o Sporting Estrada: 6 equipos en 2 grupos de 3 e os nosos que teñen como rivais ao Silleda e ao segundo equipo local.

Mañán xeira dos alevíns A que ao igual que os PB2 rendirán visita ao Arrabaldo así como os infantiles de 1º ano que un ano máis acoden ao prestixioso Torneo da EF Lalín, grupo moi compricado con Racing de Ferrol, Victoria de A Coruña e Calasancio...un luxo de cartel.

E por último o sábado o Benxamín A estrea torneo en Caldas, fase previa para intentar meterse na rolda final cos grandes de Galicia. Tamén un combinado alevin dos equipos B e C xogará en Bertamiráns na Ames Cup que organiza o equipo amiense. Moita sorte a todos e a pasalo ben.

 

 

Mércores 1 de abril de 2015

 

CALLOBRE - NEGREIRA:1ª INFANTIL.

 

Aproveitando as vacacións de Semana Santa o noso equipo infantil A adianta o seu encontro de liga ao día de hoxe. Recibimos en San Martiño ás 16.00 horas ao equipo do Negreira coa necesidade dos 3 puntos que nos permitan seguir conservando os postos que dan acceso á fase de ascenso logo da derrota o sábado pasado diante do Sálvora. Ás 16.00 horas en San Martiño.

 

TRIANGULAR ALEVIN E BENXAMÍN.

 

Bo ambiente e bo fútbol o vivido o sábado pola mañán no campo de San Martiño entre os nosos equipos benxamín A e alevíns B e C. Partidos moi igualados os que puidemos presenciar nos que o benxamín A foi quen de superar a superioridade física dos alevíns e acabar levándose o honorífico título de campión. Trátabase de xogar e pasar un rato divertido entre amigos e así foi.

Paralelamente disputábase un amigable entre PB2 e Benxamín B que acabou con vitoria por 7-2 dos maiores, cun gran Eloi, moi inspirado, e cos PB2 tratando de combinar como eles saben. 

 

Xoves 26 de marzo de 2015

 

FÚTBOL EN SAN MARTIÑO O SÁBADO POLA MAÑÁN

Este sábado será movido en San Martiño. Comezaremos co encontro de Liga do INFANTIL C que recibe ao La Salle na xornada ligueira e que tratará de facer fronte ás numerosas baixas con gañas e bo xogo (10.30).

Finalizado este encontro chega o turno do f-8. Por un lado amigable entre o Benxamín B de Bieito e os pb2 de Alberto e César para que estos úlitmos vaian preparando o torneo de Semana Santa en Arrabaldo. E por outro, xogarase un triangular entre os alevíns B e C e os benxamíns A coa vista posta no torneo benxamín de Caldas de gran nivel. Os horarios son os seguintes:

 

  • Alevín B - Benxamín A. 12.15
  • Perdedor do 1º encontro - Alevín C. 12.45
  • Gañador do 1º encontro - Alevín C. 13.15

 

A pasalo ben e a prepararse para os torneos.

 

TORNEOS DE SEMANA SANTA

 

Coa chegada da Semana Santa fano tamén os primeiros torneos  para os equipos do noso club. Aquí deixamos os distintos desprazamentos dos nosos:
PB2: Xoves 2 de abril a Arrabaldo.
SELECCIÓN BENXAMÍN: Sábado 4 de abril a Caldas.

Combinado do ALEVIN C - B: Sábado 4 na Ames Cup.

ALEVÍN A: Venres 3 de abril a Arrabaldo.

SELECCIÓN DE INFANTILES DE 1º ANO: Fase Previa do Torneo da EF Lalin.

 

Domingo 22 de marzoa de 2015

COMEZO LIGA BIBERÓN

Como xa sabedes o Callobre c.f. non competirá como tal na nova tempada de Liga Biberón pero sí o fará a través da nova Escola Estradense de Fútbol Base (EEFB) na que o noso club e o Sporting Estrada levan traballando dende o mes de outubro con 60 nenos inscritos.

Tres equipos foron os inscritos pola Escola para facer un total de 8 nunha liga na que coincidiremso con tódolos conxuntos veciños e amigos. A partir do 11 de abril comeza unha nova etapa no fútbol base do pobo.

 

Venres 6 de marzo de 2015

 

FASE DE ASCENSO PARA O EQUIPO DE MAIORES

 

Comeza a fase de ascenso para o equipo senior que neste domingo visitará o campo de Milladoiro para enfrontarse ao Ortoño. Equipos moi parellos os que estamos metidos nesta promoción polo que tentaremos de facer valer o factor campo para superar esta rolda e meternos na gran final. Sorte.

 

 

Venres 27 de febreiro de 2015

 

SÁBADO: MAÑÁN INTENSA DE FÚTBOL-8 EN SAN MARTIÑO

Carrusel de encontros de F8 os que teremos en San Martiño na mañán do Sábado na que haberá partidos de tódalas nosas categorías dende prebenxamín ata Alevín. Así que xa sabedes, a animar aos nosos.

 

Mércores 25 de febreiro de 2015

 

FASE DE ASCENSO DO EQUIPO DE MAIORES

 

Levamos uns anos de fases de ascensos nas distintas categorías e esta tempada non podía faltar. Desta vez é a quenda do equipo de maiores que dentro de 2 semanas comezará dita fase logo de rematar a liga nos postos que dan acceso a participar nela. Moitos puntos tirados e algunha cuestión puntual de mala sorte impediron que loitasemos pola liga..pero aínda queda unha bala na recámara. Este domingo saberemos o rival que nos cae en sorte.

 

VI TORNEO ALEVÍN E BENXAMÍN DO CALLOBRE C.F.

 

Xa temos data para a celebración do noso torneo Alevín e Benxamín que vai xa pola súa VI edición. Este ano terá lugar o úlitmo fin de semana de maio, exactamente os días 30 e 31 dese mes polo que xa  sabedes, apuntade a data, que será un fin de semana de fútbol.

 

 

Sábado 07 de xaneiro de 2015

 

O ESTUDIANTIL INVITA AOS NOSOS RAPACES E A DOUS ACOMPAÑANTES AO ENCONTRO DE MAÑÁN EN SAN MARTIÑO.

 

Ás 12.00 horas dará comezo un novo encontro da Preferente Norte en San Martiño entre o Estudiantil - Sada ao que están convidados tódolos rapaces da nosa base así como os acompañantes (2) que vaian cos nenos. 

Así que xa sabedes, se queredes pasar unha mañán de fútbol achegádevos a San Martiño.

 

 

 

Xoves 05 de febreiro de 2015

 

CALLOBRE 0 - CD LALÍN 4

 

Non puido ser. Os nosos maiores non conseguiron dar a sorpresa e cairon derrotados diante do equipo roxinegro por 0-4. Media hora aguantamos co empate a 0-0, cun balón ao longueiro de Martín (gol fantasma ao mesmo tempo) e sen pasar moitos apuros atrás. Un erro na saída de balón condenounos pois co primeiro gol os visitantes encontraron máis espazos.

Pero boa imaxe con dúas boas ocasións na segunda metade e con gol anulado incluido. A pensar na liga.

 

Mércores 04 de febreiro de 2014

 

COPA DEPUTACIÓN: CALLOBRE CF - CD LALÍN

 

Hoxe rinde visita a San Martiño un dos grandes da zona, o CD Lalín que foi o rival que nos tocou en sorte na segunda rolda da Copa Deputación. Será ás 21.00 horas e os nosos, a pesar das baixas por ausencias e lesións, tratarán de dar unha boa imaxe ante un equipo que marcha nos postos altos da Preferente Norte.

Rafa F., Patrick e Rafa R. do equipo xuvenil, completan a convocatoria.

 

Venres 30 de xaneiro de 2014

 

COPA DEPUTACIÓN: CALLOBRE 2 - CRUCES 1

 

Vitoria pola mínima do equipo de maiores que supera a primeira rolda da fase previa da copa Deputación grazas aos tantos de Porti e Adrián. Partido disputado e intenso o vivido na chuviosa de onte en San Martiño onde tivemos que empregarnos a fondo para dar a volta ao marcador.

A vindeira semana teremos o gusto de recibir en San Martiño ao CD Lalín, da Preferente Norte pero antes temos un importantísimo partido de liga en Brión.

 

Martes 27 de xaneiro de 2014

COPA DEPUTACIÓN AFECIONADOS

 

Este xoves ás 21.00 horas terá lugar no noso campo de San Martiño o primeiro partido da fase previa da Copa Deputación de Pontevedra no que o noso equipo de maiores deberá enfrontarse á SD Cruces. Esperemos que os nosos amosen unha boa imaxe para superar a eliminatoria e así poder recibir ao CD Lalín na vindeira semana. Sorte.

 

Mércores 21 de xaneiro de 2014

RESULTADOS DE SORTEO DA COPA DO SAR

 

Xa coñecemos os rivais dos nosos equipos de fútbol 11 para a Copa do Sar que se disputará unha vez finalizados os campionatios ligueiros. Estos son os rivais e datas:

Infantil - Cabo de Cruz. 16 de maio.

Cadete - Arzúa. 17 de maio.

Silleda - Xuvenil. 16 de maio.

Senior - Luaña. 17 de maio.

 

Martes 13 de xaneiro de 2014

 

SORTEO DA COPA DEPUTACIÓN DE PONTEVEDRA.

Onte pola tarde tivo lugar o sorteo da Copa Deputación de Pontevedra na que participará o noso equipo de maiores. Na fase previa na que se engloba aos equipos da zona de Santiago tocounos en sorte a SD Cruces. No caso de superar a eliminatoria o seguinte rival sería o CD Lalín da Preferente Norte. Deixamos o cadro de encontros.

CUADRO DESARROLLO COPA DIPUTACION 2015 D[...]
Documento Adobe Acrobat [27.3 KB]

Mércores 7 de xaneiro de 2014

 

DESPEDIDA DO SECRETARIO

 

Félix, ata o de agora, integrante da directiva do club decidiu, por motivos personais deixar o seu posto como secretario. Dende aquí darlle as grazas pola labor prestada. 

 

Mércores 31 de decembro de 2014

 

ADEUS AO 2014...

 

Hoxe remata o ano e toca darlle unha boa despedida esperando que o 2015 veña cargado de boas novas para todos.

No que ao Callobre c.f. se refire, non nos podemos queixar do ano que nos deixa: Un campionato ligueiro, dous ascensos de categoría, a segunda fase de ascenso á Galega consecutiva do equipo infantil, subida do número de licencias no club así como a creación da nova EEFB...

Esperemos que o 2015 sexa, a lo menos, parecido...

E para comezar xa o no primeiro fin de semana fútbol con partidos máis que importantes para os nosos. Podedes ver os horarios e rivais no cadro superior.

 

Luns 29 de decembro de 2014

 

FIN DE SEMANA 

 

A pesar do parón ligueiro e de adestramento houbo movemento "futbolero". Os equipos Benxamín e Prebenxamín disputaron torneos de Nadal en Negreira e Moaña con mala sorte para os primeiros pois quedamos fóra na primeira fase logo dun triple empate na cabeza do grupo a 6 puntos e facendo bos partidos, e cun mal torneo por parte dos nosos pequenos en terras Moañesas nos que o madrugón (marchamos ás 08.00 horas de mañán) e as baixas pasaron factura. Pese a todo un día de fútbol e xogos que sempre é  agradecido.

Tamén houbo xuntanza dos PB1 en Callobre que disfrutaron dun merenda na tarde do venres aproveitando, por suposto, para darlle unhas patadas ao balón así como do equipo xuvenil que disfrutou dunha comida no mediodía do domingo.

Hoxe luns voltan aos adestramentos os equipos de fútbol 11.

 

Mércores 24 de decembro de 2014

 

VACACIÓNS DE NADAL

 

Coa chegada do Nadal toca facer un pequeno parón en adestramentos e partidos. Dende hoxe mércores ata o vindeira semana paran os adestramentos para as categorías de f-8 así como para infantiles e cadetes. 

Felices Festas e a disfrutar do Nadal...que non todo vai ser fútbol.

 

Mércores 17 de decembro de 2014

 

JAVI, ADESTRADOR DO INFANTIL A, GALARDOADO CO " PREMIO AO ADESTRADOR DO FÚTBOL BASE "

 

Estamos de noraboa. Javi, o noso adestrador do equipo A infantil, será premiado mañán en A Coruña no Centro Ágora da cidade herculina. O premio vén a resaltar o feito por Javi o día do encontro dos nosos en Melide, no que, como xa sabedes, levamos un gran susto tras un golpe de Alberto.

Pola súa forma de obrar e a rapidez a Escola Galega de Adestradores, e o seu director Manuel Mosquera, comunicáronnos que Javi sería premiado neste gala do fútbol galego. Un orgullo para nós.

Os nosos rapaces quixeron acompañar a Javi neste día así que mañán ás 18.30 sairá un Bus da Estación para o que todavía quedan prazas libres. Se alguén máis está interesado en acompañar á nosa expedición só ten que enviarnos un correo a callobre_cf@hotmail.com.

Noraboa Javi. Máis que merecido.

 

 

Xoves 11 de decembro de 2014

 

ACTUALIZADAS AS CLASIFICACIÓNS

 

Dende agora xa podedes ver as clasifiicacións de tódolos equipos e categorías na sección adicada a isto no menú da esquerda despois da inclusión dos equipos PB1 que compiten en Santiago.

 

Mercores 10 de decembro de 2014

 

AGRADECEMENTO A VICTOR SANTOS e JACOBO, ATA ONTE, CORPO TÉCNICO DO ESTUDIANTIL

 

Como xa sabemos todo adestrador dende que entra nun club comeza a ter as horas contadas. Onte coñecíamos a destitución de Victor Santos e Jacobo como corpo técnico da Agrupación Estudiantil e dende aquí non podemos máis que darlle as grazas pola atención prestada e  polo traballo desenrolado cos nosos. Moita sorte no futuro a ambos.

 

 

Mércores 3 de decembro de 2014

 

O CALLOBRE C.F. MEMBRO DA ASAMBLEA DA FGF

 

Dende hoxe somos, oficialmente, membros da Asamblea da FGF durante os vindeiros próximos anos e facémolo como segundo equipo máis votado da delegación de Santiago. ¿Que significa esto? En primeiro lugar que participaremos na elección do presidente da Federación que se celebrará a mediados de mes e segundo que durante catro anos teremos voz e voto nas decisións das asambleas. Quizáis para moitos esto algo superfluo pero nós consideramos que para mellorar o fútbol galego hai que moverse e movilizarse. Sen ir máis lonxe fai 3 anos quedamos sen ascensos en  dúas categorías (xuvenil e infantil) por unha decisión da propia Asamblea..e nada puidemos facer. Agora igual tampoco pero traballaremos para que se nos escoite un chisco máis. 

Xunto co Callobre como club entra Adrián (adestrador do equipo xuvenil e xogador dos seniors) no estamento de xogadores. Un pouco máis de forza.

 

FIN DE SEMANA DE PONTE...PERO SÓ PARA OS PB 1 e 2

 

Achégase o fin de semana e segue a competición en tódolas categorías excepto para os máis peques dos nosos (PB1 A, PB1 B e PB2) que con motivo da ponte da Constitución descansarán polo parón das súas ligas.

O resto de equipos non terán descanso e seguiremos disfrutando.

Xoves 13 de novembro de 2014

 

INICIO DA TEMPADA PARA OS PB1

 

Os máis pequenos do noso club inician a competición este fin de semana en Santiago. Desta vez serán dous equipos os que competirán en FS coa única intención de pasalo ben e seguir collendo automatismos básicos. Que empece o show...e a pasalo en grande.

Xoves 6 de novembro de 2014

 

ATA PRONTO REGUE. DEP.

 

Hoxe é un día triste para A Estrada en xeral e para o fútbol en particular. Hoxe abandonounos de forma precipitada Manolo Regueiro, secretario do Sp. Estrada e da EEFB. Un home entregado de forma completa ao fútbol do pobo. Unha perda irreparable para todos. DEP amigo. Unha forte aperta para toda a familia sportinguista e en particular á familia directa de Regue. Seguiremos na loita por ti.

 

Luns 3 de novembro de 2014

 

VANTAXES PARA OS SOCIOS DO CLUB

Como cada tempada, seguimos coa iniciativa de favorecer aos nosos socios con descontos en distintas casas comerciais da nosa zona. Na columna da esquerda encontraredes o apartado adicado ás mesmas e que pouco a pouco imos actualizando. Estade atentos porque ser socio do Callobre c.f. é todo vantaxes.

Mércores 29 de outubro de 2014

 

PARTIDOS DO PASADO FIN DE SEMANA NA WEB DA EF LALÍN.

O fin de semana pasado tivemos varios derbis cos nosos amigos da EF Lalín. Se queredes ler as súas crónicas dos diferentes encontros non tendes máis que ir á súa páxina: www.eflalin.com

Luns 20 de outubro de 2014

 

MILUCO, CONVOCADO COA SELECCIÓN INF- CADETE DE SANTIAGO.

Xa son varias as convocatorias que Milu leva afrontadas dende que forma parte do noso club e este ano non podía faltar á súa cita. Este luns afrontará en As Cancelas un adestramento cos mellores xogadores en último ano infantil e primeiro cadete. Moita sorte Milu e a disfrutar.

 

Luns 13 de outubro de 2014

 

COMEZO DO ADESTRAMENTO DE PORTEIROS

Hoxe luns comeza o adestramento de porteiros tanto para f-11 como para f-8. Un ano máis será Martín Ferro o encargado de poñer a punto aos nosos cancerbeiros. Horarios:

  • 17.30 - 18.30 para f8
  • 18.30 - 19.30 para f11

 

MAL FIN DE SEMANA PARA OS NOSOS CONXUNTOS

Non houbo sorte este fin de semana no que os nosos equipo sufriron para conseguir resultados positivos. Só o equipo infantil A, que segue invicto, conseguiu sumar os tres puntsos. Esperemos que os resultados empecen a cambiar e que a sorte, a veces esquiva, se pare un pouco máis do noso lado. Ánimo.

 

Venres 03 de outubro de 2014

 

EEFB, a nova Escola de Fútbol Base de A Estrada.

Estaba en boca de todos pero todavía non vira á luz pero agora si. Onte tivo lugar a presentación da ESCOLA ESTRADENSE DE FÚTBOL BASE, un proxecto co que Sporting Estrada e o Callobre c.f.buscamos garantizar un fútbol base estradense de futuro.

Iremos pasiño a pasiño, así que esta tempada os rapaces que pasarán a formar parte desta escola serán os nados nos anos 2009, 2010 ou 2011 con 1 adestramento semanai (serán 2 cando comece a competición) que terá lugar os mércores en 2 turnos de 16:15 a 17.30 e de 17.45 a 19.00 horas no Pavillón Coto Ferreiro. 

Todo aquel neno ou nena interesad@ en formar parte deste proxecto pode solicitar información no correo: eedefb@gmail.com ou ben dirixíndose a calquera dos 2 clubs (tanto Sporting como nós mesmos)

Surxirán dúbidas, preguntas...pero tranquilos, todo ten resposta. Comezamos.

 

INICIO DA COMPETICIÓN EN F8

Mañán comeza a competición para alevíns, benxamíns e prebenxamíns en F-8 tanto Primeira como en segunda autonómica. Así que xa sabedes a partir de agora en San Martiño raro será o momento en que non haxa fútbol. Tendes arriba na táboa horarios e encontros dos nosos equipos. Moita sorte e a pasalo en grande.

 

Domingo 28 de setembro de 2014

 

VITORIA DOS NOSOS PB NO TORNEO CELEBRADO EN SAN MARTIÑO

Na tarde de onte celebrouse o II Torneo Prebenxamín en Callobre e os nosos acabaron vencendo na final ao Atl. Cuntis, logo dunh fase previa inmaculada na que se desfacían de Val do Ulla e A Seca. Silleda nas semifinais e At. Cuntis na final foron os rivais e os nosos, como sempre fan, competindo ata o últilmo suspiro, conseguiron, nos penaltis, facerse co trofeo de campión.

A Clasificación final foi:

1. Callobre c.f.

2. At. Cuntis.

3. Silleda

4. A Seca

5. Sp. Estrada

6. Val do ulla.

 

Venres 26 de setembro de 2014

 

TORNEO PREBENXAMÍN 

Mañán será un día de fútbol completo no campo de San Martiño. Pola mañán dous partidos de infantiles co equipo B que debuta e cos rapaces do A que intentarán manter a boa xeira de resultados. Ás 10.45 e 12.30 respectivamente.

E pola tarde turno da xeración de prebenxamíns que participarán no II Torneo que organizamos para esta categoría. Seis equipos: Val do Ulla, Sporting, At. Cuntis, A Seca, Silleda e os nosos saltarán ao campo a partires das 16.30 no último fin de seman antes do comezo do campionato ligueiro.

 

 

Mércores 24 de setembro de 2014

 

XORNADA DE FÚTBOL EN SAN MARTIÑO

Tarde- noite de fútbol en Callobre. Ás 18.30 horas o equipo infantil C vencía de maneira clara ao San Pedro (9-0) deixando boas xogadas e momentos de bo fútbol ante un rival que a pesar da adversidade nunca desfalleceu e o que dende aquí aplaudimos.

Xusto despois turno do equipo de maiores que o vindeiro domingo comeza a Liga. Triunfo por 2-0 diante do Camporrapado a pesar das numerosas baixas. Boas sensacións de cara o inicio do domingo en Berres.

 

Luns 22 de setembro de 2014

 

SUSPENDIDO O ADESTRAMENTO BENXAMÍN E PB2

O adestramento das categorías benxamín e pb2 de hoxe foi suspendido. O próximo adestramento será venres en horario habitual (17.15)

Martes 16 de setembro de 2014

 

HORARIOS DE ADESTRAMENTOS DURANTE A TEMPADA

Confirmamos, por fin, os horarios da tempada que acaba de comezar para os diferentes equipos.

 

  • Aficionados: Mércores e Venres ás 21.00 horas
  • Xuvenil: Luns, Martes e Xoves ás 20.30 horas.
  • Cadete: Luns ás 19.30 e Xoves ás 19.00 horas.
  • Infantil: Luns e Mércores ás 18.30
  • Alevín: Martes ás 18.15 e Venres ás 19.15
  • Benxamín e PB2: Venres ás 17.15 en San Martiño (outro día segundo a escola en pavillón)
  • PB1: Venres ás 17.00 no Coto Ferreiro (a partires do 26 de setembro)

Venres 12 de decembro de 2014

 

RETIRADA DO AMIO B NA 2ª INFANTIL

 

Debido á retirada da competición do equipo Amio B o noso conxunto infantil C descansará esta xornada polo que o inicio da competición retrasase ata o 20 de setembro. Recordade ademáis que temos un encontro pendiente para o mércores 24 diante do San Pedro.

 

Xoves 11 de decembro de 2014

 

NOVA XORNADA DE LIGA

 

Pasado o susto do fin de semana pasado, con toda a repercusión mediática que tivo pero da cal non imos poñer nada porque non é unha nova que nos guste dar, toca pensar en que se aproximan novos partidos.

O Xuvenil visita ao Sar para reeditar a fase de ascenso de hai uns meses, os cadetes viaxan a Lalín para medirse a unha das xeracións máis aventaxadas dos nosos amigos lalinenses e o infantil A recibe tamén aos do Deza con gañas de adicarlle a vitoria a Alberto que xa está desexando que o balón comece a rodar e olvidar todo o acontecido...igual que nós.

 

En canto ao fútbol 8 un equipo alevín e outro benxamín desprazaranse a Cabo de Cruz para xogar o Torneo dese club. A xogar toca...

Domingo 7 de setembro de 2014

 

MOITO ÁNIMO ALBERTO

 

Como xa sabedes onte comezou a tempada para o equipo infantil A e fíxoo con susto, e dos grandes. O noso dianteiro Alberto levou forte golpe no peito o que nos levou a vivir uns minutos un pouco angustiosos. Foi trasladado ao hospital en ambulancia para facerlle distintas probas e, por sorte, xa podemos dicir que o temos en casa sen outro problema que o susto que vivimos. 

Dámoslle dende aquí unha aperta e que sepas Alberto, que queremos verte anotando máis goles,como sempre fixeches, o antes posible. A recuperarse do susto.

 

Venres 5 de setembro de 2014

AMIGABLES E COMEZO DAS PRIMEIRAS AUTONÓMICAS

 

Mércores e xoves tiveron lugar varios amistosos dos nosos equipos antes do comezo da competición.

O equipo xuvenil caía derrotado en A Lama diante de A Seca, o cadete vencía ao noso Infantil A logo duns 25 primeiros minutos nos que sufriron e moito ante a calidade dos rapaces de Javi e o equipo senior goleaba o mércores ao Deza e caía (2-1) diante do Estudiantil, deixando grandes sensacións no que esperamos sexa unha gran tempada deste remodelado equipo.

 

Agora vén o importante. O fin de semana arrancan as competicións para os 3 equipos de primeira autonómica con duros rivais en todas elas pois calquera destos conxuntos son favoritos ao título de liga. A ver q acontece...Sorte!

Luns 1 de setembro de 2014

PRIMEIRA XORNADA DE LIGA

 

Achégase a primeira xornada de liga para os nosos equipos de 1ª Autonómica así como para o infantil C.

Complicados os encontros con rivais dos duros pero que confiamos nos nosos.

  • Xuvenil- Villestro
  • Cadete- Santiago B
  • Cire Melide - Infantil A
  • Infantil C - San Pedro.

Mañán confirmaremos as horas dos mesmos.

Sábado 30 de agosto de 2014

RESULTADOS AMIGABLES

 

At. Furia - Senior (0-1)

Xuvenil - EF Lalín A (0-1)

Xuvenil - Rois (2-0)

Cadete - EF Lalín B (2-3)

Infantil A - EF Silleda (5-0)

Cordeiro - Infantil B/C (2-2)

 

Martes 26 de agosto de 2014

CALENDARIOS 1ª ALEVÍN E BENXAMÍN 

Calendario 1ª Alevín.pdf
Documento Adobe Acrobat [22.9 KB]
Calendario 1ª Benxamín.pdf
Documento Adobe Acrobat [19.8 KB]

XORNADAS DE PORTAS ABERTAS EN LOIMIL E CALLOBRE.

 

Como xa avisaramos en datas anteriores os vindeiros mércores 3 e xoves 4 de setembro (de 16.00 a 20.00 horas) levaremos a cabo no campo de Loimil e San Martiño dous días de portas abertas para rapaces e rapazas con idades comprendidas entre os 6 e os 14 anos, inscrición gratuita e con agasallos para tódolos participantes. Así que xa sabedes, se vos interesa ou coñecedes a alguén que poda interesarlle só toca apuntarse a través do formulario ou vía telefónica (655 47 11 40).

 

 

INICIO PRETEMPADA PARA OS EQUIPOS DE F8

 

Recordamos que este xoves 28 empeza a pretempada para os benxamíns e pb2 e o venres 29 para os alevíns. Ambos días ás 17.15 horas no campo de San Martiño.

 

 

Sábado 23 de agosto de 2014

RESULTADOS DE AMIGABLES

 

Xuvenil - At. Cuntis (4-3; Rafa R., Rafa F., Patrick e Rubén)

Caldas - Infantil A,B (0-7; Iván, Anxo 2, Milu, Mario, Brais, Vitor.

II Torneo Cadete de San Martiño

1º Bertamiráns A

2º EF Lalín

3º Milladoiro

4º Callobre c.f

5º Sp. Estrada

6º Bertamiráns B

 

Venres 22 de agosto de 2014

MÁIS AMIGABLES

 

O pasado mércores o noso equipo xuvenil xogaba un novo encontro amigable que remata 3-3 coa EF Lalín B. De novo minutos para todos e seguindo coa preparación.

Mañán recibiremos en San Martiño ao At. Cuntis ás 12.00 horas.

Pola tarde será turno dos cadetes que a partir das 16.00 horas xogarán un torneo en San Martiño. Seis equipos (EF Lalín, Milladoiro, Sp. Estrada, Bertamiráns A, Bertamiráns B e nós mesmos) competirán en grupos de 3 para clasificarse para a gran final que se disputará ao caer a tarde no noso campo.

Tamén un dos nosos equipos de categoría infantil terá partido. Neste caso en Caldas diante dun dos conxuntos punteiros da zona de Pontevedra. Por último o domingo debuta o equipo de maiores, con moitas caras novas, diante dos nosos amigos do Rois. Sorte a todos e iremos informando.

 

CALENDARIOS DE DAS LIGAS DE F-11

 

Xa coñecemos os primeiros rivais e os calendarios definitivos dos nosos equipos de fútbol para a tempada que está a piques de comezar. A maior novidade é a creación dun equipo infantil C para que tódolos rapaces e rapazas desta categoría conten con minutos que é do que se trata.

Deixamos os arquivos descargables:

Calendario Senior. 3ª Autonómica.pdf
Documento Adobe Acrobat [19.3 KB]
Calendario Juveniles 1ª Autonómica.pdf
Documento Adobe Acrobat [29.8 KB]
Calendario Cadete 1ª Autonómica.pdf
Documento Adobe Acrobat [29.9 KB]
Calendario Infantil 1ª Autonómica.pdf
Documento Adobe Acrobat [30.1 KB]
Calendario Infantil 2ª Autonómica G5.pdf
Documento Adobe Acrobat [29.4 KB]
Calendario Infantil 2ª Autonómica G6.pdf
Documento Adobe Acrobat [26.0 KB]

Martes 19 de agosto de 2014

 

TRIANGULAR INFANTIL 

 

Os nosos rapaces en idade infanti disputaron onte un triangular en San Martiño no que se dividiron en dous equipos e que tiña como equipo invitado ao Val do Ulla.

Venceron de forma cómoda un combinado de maioría de rapaces de segundo ano pero competiron moito e ben os de primeiro.

Seguimos coa posta a punto para conformar os equipos.

 

SORTEO DE CALENADARIO PARA OS MAIORES

 

Xa coñecemos o noso primeiro rival na xornada que abrirá a tempada da tercera autonómica, será un vello coñecido, o Berres, no campo de O Pardiñeiro o vindeiro 28 de setembro dentro dunha liga de 12 equipos...de novo excesivamente curta. A ver cando empezan a cambiar as cousas e se escoita un pouco máis ás peticións dos clubs...

 

 

Luns 18 de agosto de 2014

 

ERRO NO COMEZO DE FÚTBOL 8

 

O pasado venres sinalabamos que o día 28 comezaría a adestrar a categoría benxamín e prebenxamín pero cometiamos o erro de sinalar que serían os benxamíns de segundo ano e prebenxamíns cando é ao contrario: benxamíns e prebenxamíns de segundo ano. Así que rectificamos e aclaramos:

xoves 28 de agosto inicio de pretempada para benxamíns e prebenxamíns de segundo ano.

 

COMEZO PRETEMPADA DOS MAIORES

 

O equipo de maiores, de novo dirixido por Payno, comeza hoxe a súa andadura na nova tempada. Será ás 21.00 horas en San Martiño con moitas novidades na que esperamos continuar os bos resultados da segunda volta pasada. 

 

Domingo 17 de agosto de 2014

 

AMIGAGABLE XUVENIL: CALLOBRE C.F. 3 - BASTAVALES 1

 

Onte tivo lugar o primeiro encontro amigable para o conxunto de Adrián e Bibi que se enfrontou en San Martiño ao Bastavales, equipo que tamén militará en 1ª Autonómica. Venceron os nosos por 3-1 con tantos de José, Ion e Rafa R. 

Moitas probas durante os 90 minutos e moito cansanzo ao final dos mesmos. Seguinte encontro contra a EF Lalín. Mércores en San Martiño.

 

Venres 15 de agosto de 2014

 

PRIMEIROS PARTIDOS DE PRETEMPADA

 

O pasado mércores tivo lugar o primeiro encontro da pretempada para o noso club. Foi o equipo cadete o que abriu a tempada 2014-15 e fíxoo con vitoria (2-3) no campo do Val do Ulla a pesar das numerosas baixas e de que foron 5 os rapaces en idade infantil os que acompañaron aos cadetes, adestrados este ano por Patxi. 

Mañán será o turno do equipo xuvenil que recibirá ás 18.00 horas ao Bastavales en San Martiño mentres que o luns haberá un triangular entre dous combinados dos nosos infantiles e o Val do Ulla (a partir das 18.15). 

 

SORTEOS DAS DIFERENTES LIGAS 

 

A vindeira semana coñeceremos o calendario das ligas dos nosos conxuntos. O luns será o sorteo do equipo de maiores, martes para xuvenil, cadete e infantil de 1ª Autonómica, mércores para o infantil de 2ª e xoves para os conxuntos de fútbol 8. A ver que inicio nos depara as boliñas...

 

FÚTBOL 8. PRETEMPADA.

 

Queda menos tamén para o inicio da pretempada dos categoría de f8. Será na última semana deste mes de agosto (día 28 para benxamíns  e prebenxamíns de segundo ano e o 29 para alevíns). Xa queda menos.

 

Mércores 6 de agosto de 2014

 

INICIO PRETEMPADA CADETE E INFANTIL

 

Na tarde de onte tivo lugar o primeiro adestramento das categorías infantil e cadete do noso club. Javi e Arís dirixirán os conxuntos infantiles A e B mentras que Patxi e Pacheco asumirán o mando do equipo cadete. Precisamente este equipo terá o seu primeiro encontro o sábado fronte ao Caldas da Liga Galega.

En canto aos horarios de adestramento durante a pretempada serán os seguintes:

INFANTIL: Luns(19.00), Mércores (18.00) e Xoves (19.00)

CADETE: Martes (19.00), Mércores (19.30) e Venres (19.00)

 

INAUGURACIÓN NOVO CAMPO DE A ESTRADA

 

Na tarde de hoxe recibimos unha invitación do Excmo. Concello de A Estrada e da Excma. Deputación de Pontevedra para acudir a inauguración do novo campo situado na Academia Galega de Seguridade nun triangular que enfrontará a CD Estradense, Pontevedra C.F e Celta B. Cartelazo sen dúbida para disfrutar dun bo espectáculo. Ás 20.00 horas do próximo venres. 

 

INICIO PRETEMPADAS DOS EQUIPOS DE FÚTBOL 11

 

Como xa avisamos o equipo xuvenil comeza a pretempada hoxe lunes 4 de agosto ás 20.00 horas en San Martiño.

O mércores será o turno dos outros conxuntos de f-11 do noso club. Os primeiros en saltar ao campo serán os rapaces e rapazas de categoría infantil, ás 18.00 horas cambiados para saír ao campo.

Inmediatamente despois serán os cadetes os que inicien a tempada 14-15. Ás 19.30 deberedes ter as botas calzadas para que o balón comece a rodar.

 

XUSTIZA CON ALEX MARQUE

 

Dende aquí queremos darlle a noraboa a Alex Marque polas  boas novas recibidas. O ciclismo voltará pronto a contar cun dos grandes. Unha referencia no deporte estradense. 

 

Ánimo Alex.. e agora a pedalear.

APLAZADAS AS XORNADAS DE FÚTBOL BASE 

 

Finalmente non poderemos disfrutar das xornadas de fútbol base a vindeira semana nos campos de Loimil e Callobre. Incompatibilidades horarias dos adestradores fan que esta actividade se aprace ata a primeira semana de Setembro a falta de concretar os días da mesa. Desculpade as molestias.

XUVENIL 2014-15

 

Logo do ascenso do noso conxunto xuvenil xa podemos confirmar que Adrián e Bibi continuarán un ano máis ao fronte do conxunto, este ano en 1ª Autonómica.

Agora toca pensar en afrontar a pretempada con gañas e folgos para o que se prevé unha dura tempada.

ASCENSO DO EQUIPO XUVENIL A PRIMEIRA AUTONÓMICA

 

Non podía rematar a nosa tempada con mellores noticias para o nosos fútbol. O equipo xuvenil acadaba o ascenso á Primeira Atonómica despóis dunha moi boa competición e despois do ocurrido nas diferentes fases de ascenso.

Parabéns a todos, xogadores, adestradores e demáis compañeiros!

Éxito total en fútbol once nun bo ano para o noso club co ascenso do equipo cadete e xuvenil á Primeira Autonómica e co noso equipo intantil xogando a fase de ascenso á Liga Galega.  

Agora toca recargar pilas e intentálo facer igual ou mellor o ano que ven!

Moi ben rapaces!

 

COLABORACIÓN NO FÚTBOL BASE ESTRADENSE

 

Logo de todo o exposto e proposto durante a semana pasada, onte tivo lugar unha reunión entre representates do Sp. Estrada e do noso club. A pesar de que os resultados das consultas foron bos en ambos lados decidimos non apresurar os pasos da colaboración e remar un pouco máis despacio en prol dun mellor desenrolo do fútbol base estradense. 

¿Que significa esto? En primeiro lugar que non afrontaremos un cambio drástico na distribución dos equipos tal e como se plantexara, e, en segundo lugar, que empezaremos pola tentativa de creación dunha nova escola conxunta para os máis novos que nos permita consolidar a idea dun fútbol base de futuro sen distincións e que ano tras ano aglutine a máis categorías.

Saímos contentos coa resposta dos pais e nais así que toca poñer as bases do que será un proxecto de futuro e estable para os rapaces e rapazas estradenses.

I TORNEO TERMAS DE CUNTIS: O NOSO ALEVÍN DE SEGUNDO ANO ACADA O TRIUNFO.

 

O pasado domingo tivo lugar no novo campo de A Ran a primeira edición do torneo Termas de Cuntis que organizaron os nosos amigos do At. Cuntis. A coincidencia coas festas de A Estrada estives a piques de impedir que participaramos no mesmo pero finalmente puidemos facelo en categoría alevín, onde non só deixamos unha gran imaxe senón que acabamos como campións.

Torneo espectacular dos nosos rapaces de segundo que venceron en todos os encontros dende a fase previa ata a gran final na que se desfixeron do Silleda, tras desfacerse nos cuartos do equipo local e nas semis do Cordeiro.

Bo colofón a unha tempada na que os nosos foron a mellor canto máis se achegaba o final da mesma. Tamén bo labor dun combinado de primeiro ano que acababa o subcampionato na fase de Consolación tras perder na final diante do Dena. Noraboa a ambos conxuntos.

 

FASE DE ASCENSO A GALEGA (XUVENIL)

Seguimos moi pendientes do que pasa na fase de ascenso á liga Galega Xuvenil na que necesitamos que un dos equipos en liza da zona de Santiago supere a última eliminatoria para nós conseguir tamén o ansiado ascenso.

Na ida da última eliminatoria os resultados foron os seguintes:
Boiro - Arteixo (1-1) /// Val do Ulla - Cerceda (0-0)

O sábado que vén o desenlace. Sorte para os de Boiro e Val do Ulla...que será a nosa tamén.

 

Martes 24 de xuño de 2014

FINAL DE TEMPADA

 

Rematou a tempada e fíxoo coa comida e xuntanza de tódalas categoría do noso club. Moito fútbol, moita risa e bo ambiente o que vivimos o sábado en San Martiño que comezou coa entrega de premios aos xogadores máis valoradas das categorías Benxamín a Senior e de medallas para os peques, que a tiñan máis que merecida. 

Agora toca descansar e comezar a prepara unha nova tempada...pero aínda quedan cousas por resolver: a máis importante o posible ascenso do equipo  xuvenil. En dúas semanas sairemos de dúbidas.

 

Deixamos unha foto dos premiados

Iago (Benx. A), Jorge (Alevín C), Iván (Infantil A), Mario (Alevín A), Fon (Xuvenil), Piri (Senior), Pedro (Cadete), Pedro (Benx. B), Lois (Benx. C), Adri (Alevín B), Dani (Alevín D) e Angel (ausente, Infantil B)

Xoves 19 de xuño de 2014

XUNTANZA E COMIDA DO CLUB

 

O vindeiro sábado a partir das 11.30 horas terá lugar a tradicional xuntanza de tódalas categorías do noso club. Xogos e partidos no campo, entrega de trofeos e medallas para os máis valorados e cativos e a posterior comida  permitirán que todos pasemos unha xornada lúdica e de diversión no campo de San Martiño. 

Recordade, a partir  das 11.30 horas todos ao campo. E os pais e nais que leven roupa para xogar...seguro que algún os acaba retando. A pasalo ben.

Luns 9 de xuño de 2014

REUNIÓNS EN SAN MARTIÑO

 

O martes 10 de xuño e mércores 11 terán lugar sendas reunións en Callobre para as categorias de f11 e f8 respectivamente.

Os equipos cadete, infantiles (A e B) e xuvenil deberán presentarse en San Martiño, acompañados polos pais, ás 20.30 horas do martes.

Á mesma hora do día seguinte será o turno do f8. Desta vez so será necesaria a presenza dos pais ou nais.

DEBIDO Á IMPORTANCIA DOS TEMAS A TRATAR SOLICITAMOS A MAIOR CONCURRENCIA POSIBLE NAS MESMAS. GRAZAS.

 

PARTIDO DE VOLTA DA FASE DE ASCENSO INFANTIL

 

Non puido ser. A pesar do bo xogo e da superioridade dos nosos no partido de volta a fase de ascenso deparounos un final amargo para os nosos cativos que, nun dos mellores encontros da tempada, se viron fóra da seguinte rolda logo dos lanzamentos de penalti.

2-0 na primeira media hora, eliminatoria remontada e múltiples ocasións. Parecía que non se podía escapar, pero o único tiro a porta do equipo visitante en toda a segunda metade fixo que todo se decidira nos penaltis e a lotería dos 11 metros, foinos esquiva. Noraboa ao Cee, polo pase á seguinte rolda pero tamén aos nosos polo partido disputado e porque amosaron que tamén saben perder e ás veces, iso é o máis compricado. 

A descansar e a levantar o ánimo. Non pasa nada....xa virán máis opcións.

 

TORNEO DE SAN MAMEDE

 

Bo papel dos nosos conxuntos alevíns e benxamíns en San Mamede. Os rapaces de Neira caeron diante do Lugo en cuartos de final logo de amosar un dos mellores xogos do campionato vencendo e sendo superiores a rivais como a Arosa, Ponte, Compos...

Os benxamíns sufriron máis. A presenza do Celta de Vigo no seu grupo fíxoo que o partido diante do Milladoiro fose unha final que acabamos perdendo de forma moi axustada o que nos levou á Consolación onde chegamos ata semifinais. Para a semana máis.

COMIDA FIN DE TEMPADA

 

Con motivo da finalización das diferentes competicións, o Callobre c.f. levará a cabo o vindeiro sábado 21 de xuño a xuntanza e comida de final de tempada no campo de San Martiño. Tratarase, como en anos pasados, dunha xornada lúdica con xogos e partidos para todos dende ás 11.30 horas. Haberá entrega de trofeos aos xogadores máis valorados e medallas para @s rapaces e rapazas máis novos do noso club así como sorteos e algunha que outra sorpresa.

A comida terá lugar no campo da festa (xusto ao carón de campo) e contaremos con carpa e servizo de catering cun menú composto por: pinchos variados, churrasco mixto, bebida, postre e café (haberá chupito para os maiores tamén). 

 

Tódolos que teñan previsto asistir deberán poñerse en contacto co delegado (ou no seu defecto adestrador) do equipo d@ nen@ ou na Frutería Amifruit (sita na Porta do Sol) que, previo pago da comida, lles entregarán un tícket acreditativo do mesmo que deberá amosar  o día da comida na carpa. A data tope para apuntarse será o luns 16 de xuño.Aqueles nen@s que non poidan acudir á comida deberán vir de igual maneira a mañá de xogos e a xuntanza de tódalas categorías base do noso club. Para calquera dúbida tendes á vosa disposición o tfno. do club: 655 471 140.  O prezo será o seguinte:

XOGADORES

DEMÁIS ASISTENTES

Ano de nacemento

Prezo
BIBERÓNS

2008-2009

8
PREBENXAMÍNS - ALEVÍNS

2002-2007

10
INFANTIL - CADETES

1998-2001

15
XUVENIL - MAIORES

Ata 1997

18

PARTIDO DE VOLTA DA FASE DE ASCENSO INFANTIL

 

Sábado ás 12.00 horas no campo de San Martiño. Marcade lugar e hora nas vosas axendas porque non nos queda outra que ir a animar ao noso infantil A para tratar de remontar o 2-1 favorable ao Cee da ida. Os nosos rapaces necesitan o maior apoio posible así que xa sabedes: todos a San Martiño.

 

FASE DE ASCENSO XUVENIL

 

Agora si. Rematou a fase de ascenso xuvenil e o noso equipo remata na segunda praza da liguilla logo da vitoria do Santiago B no campo do Sar (1-2). Non houbo sorpresa e os santiagueses, os grandes favoritos, leváronse o ascenso á primeira autonómica.

¿Que pasa cos nosos agora? Pois toca esperar. Necesitamos que dous dos equipos de Santiago inmersos na fase de ascenso á Liga Galega consigan subir. O Oroso ten pe e medio na Galega logo de vencer ao Viveiro (5-1) na loita polo ascenso directo. Do resto iremos dando boa conta nas vindeiras semanas.

 

TORNEO INTERNACIONAL DE LALÍN e CONVOCADOS PARA A SELECCIÓN DO DEZA

 

Chega o primeiro fin de semana de xuño e como tódolos anos os nosos amigos da EF Lalin organizan o seu prestixioso torneo para infantiles de 1º ano. Real Madrid, FC Barcelona, Atlético, Athletic de Bilbao, Celta de Vigo, Deportivo, Lugo, Sporting de Gijón....un elenco de futuros cracks desembarcan en Lalín o sábado e domingo.

E entre eles 5 dos nosos, convocados para o combinado do Deza: Miluco,Iván, Manuel Anxo, Anxo e Jonathan foron incluidos na selección final de 20 rapaces. Só poderán xogar á tarde pola coincidencia coa fase de ascenso pero trátase dun premio para eles. Noraboa e a disfrutar.

Luns 2 de xuño de 2014

FASE DE ASCENSO Á LIGA GALEGA INFANTIL

 

Derrota merecida do noso equipo infantil. E decimos merecida non porque o rival fose superior a nós senón pola escasa aportación da maior parte dos noso conxunto que apenas conseguir dar 3 pases seguidos. Iván fixo o 0-1, Cristian tivo o 0-2 nas súas botas coa portería baleira e finalmente perdimos 2-1. O mellor o resultado. 

Queda a volta no noso campo. A mentalizarse que podemos. Claro que podemos.

 

EXPEDICIÓN A LLERENA

 

Xa está no pobo o noso equipo cadete logo de 3 días de fútbol e convivencia en Extremadura. Magnifica o trato recibido polos clubs da comunidade extremeña que nos fixeron sentir como amigos de toda a vida.

En canto ao fútbol, bos rivais con vitoria pola mañán e derrota pola tarde na que as temperaturas pero sobre todo o cansanzo da viaxe e da larga noite de risas nas habitacións nos pasou factura. Pero iamos a disfrutar e a boa fe que o conseguimos cerrando a excursión cunha mañán de auga e kaiaks na que todos acabaron empapados...mister incluido.

Noraboa rapaces pola tempada feita, polo título de liga e polo ambiente no grupo. 

Mércores 28 de maio de 2014

VIAXE DO EQUIPO CADETE A LLERENA (EXTREMADURA)

 

O equipo cadete, como xa todos sabedes campión de liga e co ascenso conseguido, foi convidado a participar nun torneo amigable que organiza a UD Llerenense na localidade de Llerena pertencente á provincia de Badaxoz.. Dito torneo disputarase ao longo do sábado 31 de maio polo que a nosa expedición partirá o venres de tarde cara a terras extremeñas onde se enfrontará a CD Casteura, Mérida CF e ao propio equipo locatario. 

Un bo final de tempada para celebrar o título que os rapaces teñen máis que merecido e que culminarán cun domingo de actividades ao aire libre organizadas na zona.

Boa viaxe e a pasalo ben.

COPA DO SAR INFANTIL

 

O vindeiro domingo en horario de 11.30 os nosos infantiles dirimirán a ida de cuartos de final diante do Bertamiráns B, campión de 1ª Autónomica, no campo de San Martiño. Ao partido acudirán rapaces dos 2 equipos posto que o equipo A terá o día anterior a primeira eliminatoria da Fase de Ascenso á Liga Galega en Cee.

 

REMATE DA LIGA DE BIBERÓN E PB1

 

Acabou o pasado domingo a Liga Biberón da zona na que nós competiamos con 2 equipos. Moita diversión, moita melé para loitar polo balón.. e moitas gañas. O resultado é o de menos.

Tamén rematou para os nosos PB1 que caeron nos cuartos de final diante do Milladoiro sucumbindo unicamente na segunda parte pero facendo o de sempre...loitando cada balón ata que o árbitro pita. Boa tempada do conxunto de Alberto e César que para o ano fará o seu debut en f8. Ollo con esta xeración..dará que falar.

Luns 26 de maio de 2014

FASE DE ASCENSO Á LIGA GALEGA INFANTIL

 

Xa coñecemos o noso rival para a primeira eliminatoria da fase de ascenso infantil. Será o campión da liga da Costa, o Cee que na fase final da Delegación de A Coruña acadou finalmente a terceira posición.

O encontro de ida xogaráse no pobo costeiro coruñés o vindeiro sábado ás 12.00 horas e a volta será no noso campo o fin de semana seguinte.

Comeza o camiño á galega...¡¡¡forza rapaces!!!

 

FASE DE ASCENSO XUVENIL

 

Non puido ser. Tal e como supoñiamos o Santiago foi un duro rival e levouse a vitoria na segunda xornada da fase de ascenso de forma ampla e xusta. Nada que dicir da derrota diante dun rival superior que agora depende de si mesmo para conseguir o ascenso.

En canto a nós a esperar o resultado da úlitma xornada na que descansamos e logo a ver que ocorre na fase de ascenso a galega. 

o >>

1 - 2 - 3 - 4 - 5- 6

 LIÑA DE ROUPA 

PATROCINADORES 2014-2015

 

CONTACTO

CALLOBRE C.F.
A RIVA - CALLOBRE s/n
36688 A ESTRADA
Teléfono: +34 655471140

E-mail: callobrecf@callobrecf.com

 

 

¿QUERE FACERSE SOCIO?

Chame o teléfono +34 655471140

Ou ben utilice o noso formulario de contacto.

 

El Tiempo en Estrada, A