CALLOBRE C.F. Facendo Canteira dende 1941
CALLOBRE C.F.Facendo Canteira dende 1941

Benvidos á páxina web do Callobre c.f.

Facendo canteira dende 1941

 

TEMPADA 2016-17

 

Como xa todos sabedes, a tempada que está a piques de comezar será a da nova andaina do Callobre c.f. como parte integrante da Escola Estrada de Fútbol Base (EEFB). Seguiremos informando por esta web das novidades da Escola ata que comece a funcionar a nova web.

 

INICIO PRETEMPADA F-8

O vindeiro martes 30 de agosto será o turno do f-8 que inicia a pretempada nos tres campos do pobo segundo a categoría:

Prebenxamin (18:00-19:45) no Manuel Regueiro, Benxamìn (18:00-19:30) en San Martiño de Callobre e Alevin (18:00-19:30) no Novo  Campo Municipal

 

Que comece o espectáculo...

 

INICIO PRETEMPADA F-11

Dende principios de Agosto xa están adestrando os equipos de f-11 da Escola. Tres adestramentos diarios distribuidos da seguinte forma: 

Xuvenil: Luns (Novo Campo), Mércores (San Martiño) e Xoves (Regueiro) ás 19.30 horas.

Cadete: Luns (San Martiño), Mércores (Regueiro) e Venres (Novo Campo Municipal) ás 18.00 horas.

Infantil: Lunes (Regueiro), Mércores (San Martiño) e Xoves (Novo Campo) ás 18.00 horas.

 

Por suposto, as portas están abertas para calquera que esté interesado en formar parte deste novo proxecto.

Pulsa aquí para coñecer todo o acontecido no noso Torneo 75 aniversario que se adxudicou o Real Madrid.

CALLOBRE CLUB DE FÚTBOL

ASAMBLEA XERAL EXTRAORDINARIA

 

 

DÍA: MÉRCORES 22 DE XUÑO

HORA:

          21.00 horas en primeira convocatoria

         21.30 horas en segunda convocatoria

LUGAR: CASA ESCOLA DE CALLOBRE

 

Orde do día:

1. Lectura e aprobación, se procede, da acta anterior.

2. Balance económico do exercicio 2015-2016.

3. Convocatoria eleccións DIRECTIVA CALLOBRE C.F. PARA O PERIODO 2016-2020

4. Rogos e preguntas.

 

En aplicación dos ESTATUTOS DO CLUB queda aberto o periodo de presentación de candidaturas dende o día 10 ao 20 de xuño, ambos incusive.

 

 

A tal efecto noméase COMISIÓN ELECTORAL á formada por:

 

NOME-APELIDOS- NÚMERO DE SOCIO

JUAN VIDAL MORENO 488

MARCOS PIÑEIRO PUENTE 362

ROSANNA CONSTENLA FERNANDEZ 424

MANUEL IGLESIAS FUENTES 503

 

 

Esta comisión será a encargada de facilitar e recoller a documentación necesaria para as candidaturas, así como a de dirixir e verificar o proceso electoral.

 

 

Para que así conste, en A Estrada a 9 de xuño de 2016.

 

 

 

 

 

CALLOBRE CLUB DE FÚTBOL.

A XUNTA DIRECTIVA.

Martes 22 de xuño de 2016

 

FIN DE TEMPADA. FESTA, TORNEO EN CUNTIS E COPA DE CADETES.

 

O pasado fin de semana tivo lugar o remate oficial da tempada para os nosos. Ao longo do sábado tivo lugar a festa do noso club: xogos durante a mañán, comida con máis de 130 persoas e o concurso de A Pelota Tola cos prebenxamíns e biberóns da EEFB como protagonistas. As parcelas premiadas están no apartado propia de A Pelota Tola na columna da esquerda.

 

O domingo foi o turno dos cadetes que xogaban en San Martiño a volta do encontro de semfinais de Copa diante do Santiago. Había que remontar un 1-0  e durante os primeiros minutos intentámolo e pechamos aos santiagueses no seu campo pero un erro na saída do balón propiciu un penalti en contra dos nosos que puxo moi costa arriba a eliminatoria. Finalmente 1-2 pero moi boa tempada dos nosos que chegaron a semifinais tanto da Copa como da fase de Ascenso.

Tamén os alevíns disputaban o último torneo en Cuntis. Meritorio 3º posto logo dunha gran fase de grupos na que acabamos primeiros pero que non soubemos refrendar en semis nun encontro no que, logo de errar imnumerables ocasións, acabamos perdendo  nos penaltis. Vencimos no encontro polo 3-4 posto con dous tantos de Pablo Rivadulla.

 

Agora a disfrutar de o verán e a cargar pilas para a vindeira tempada...que como sabedes vén cargada de ilusión e novas expectivas coa EEFB.

 

Martes 15 de xuño de 2016

 

REUNIÓNS PARA A VINDEIRA TEMPADA

 

Recordamos a reunión informativa para todos os pais/nais dos xogadores que se producirá na segunda planta do novo mercado hoxe ás 21h para o f-8, e mañá ás 21:30 para o f-11.

Trataranse, entre outros, puntos importantes como os seguintes para a seguinte tempada:

-Proxecto deportivo da EEFB.
-Dias e horarios de adestramentos.
-Cuotas anuais.

EEFB -por un fútbol base de futuro-

 

 

VOLTA DA FASE E IDA DA COPA CADETE.

 

Non houbo remontada en Lugo e os nosos cadetes caeron derrotados co Residencia por 3-0 quedando así eliminados da FAse de Ascenso á Liga Galega. Aínda así gran esforzo e loita diante dun equipo que nos dous partidos se amosou superior e ao que felicitamos e desexamos sorte.
Agora a olvidarse do acontecido e a poñer as miras no Copa do Sar que xa se atopa en semifinais e nas que teremos como rival ao Santiago B. Moita sorte.

 

TORNEOS ALEVÍN E BENXAMÍN.

 

Torneo en Touro o pasado fin de semana para as categorías alevín e benxamín e bo papel dos nosos.

O equipo alevín voltaba cun gran segundo posto pero sen dúbida merecedores de algo mais pois a final diante do Burgo foi totalmente nosa e só os paos e o porteiro santiagués impediron cambiar o sino do encontro.

O equipo Benxamín pola súa parte facíase co trofeo de gañador da Consolación nun torneo no que disputaron a gran nivel tódolos encontros e nos que os condicionou a falta de gol nos primeiros partidos. 

Noraboa a ambos.

Venres 10 de xuño de 2016

 

FASE DE ASCENSO E COPA DE SAR CADETE

 

Segue a competición para o equipo cadete único equipo en competición oficial xa dos nosos. O Sábado 11 de xuño xogarán en A Cheda (Lugo) o encontro de volta da Fase de Ascenso no que os nosos tratarán de dar a volta á eliminatoria que se compricou nos últimos minutos do partido de ida (0-2). 
A maiores o vindeiro mércores xogarán contra o Santiago B o encontro de ida das semifinais da Copa do Sar. Será ás 19.00 horas. Gran campaña dos nosos cadetes que levan xa máis de 10 meses de adestramentos e competición e esperemos que continúe....Forza rapaces!!!

 

TORNEO EN TOURO

 

O equipo Alevín A e unha mestura dos equipos benxamíns desprazaranse ata O Loxo para xogar o torneo que organizan os nosos amigos de Touro. 8 equipos en categoría alevín e 6 en benxamín para disfrutar dun día de fútbol. Sorte!!!

Luns 6 de xuño de 2016

 

Fin de semana dos que doen. O equipo infantil caía nos penaltis diante do Xuv. Oroso nos cuartos de final da Copa e os cadetes perdían 0-2 co Residencia no partido de ida da Fase de Ascenso á Galega. Dous goles nos últimos 6 minutos decantaron a balanza. Pero mentras queden minutos de xogo...seguiremolo intentando.
A boa nova veu da mans dos alevíns B que se traían de Praíña o Trofeo da consolación e ao equipo menos goleado do torneo. Os benxamíns de segundo ano remataban sextos no Memorial Milucho e Alfonso no Manuel Regueiro.

Martes 31 de maio de 2016

 

FINAL CAMPIONATO GALEGO CADETE EN SAN MARTIÑO: DEPORTIVO - CELTA

 

Seguimos de festexos polo noso aniversario e desta vez toca disfrutar do derbi galego en categoría cadete. Celta e Depor visitan San Martiño para enfrontarse na loita polo título de campión galego cadete. Sen dúbida un partido moi atracativo que permitirá ver a moitas das promesas do noso fútbol. As 19.30 horas do mércores 1 de xuño en San Martiño. ¡Entrada de balde!

 

COPA DO SAR INFANTIL: CALLOBRE - Praíña

 

Nova vitoria do equipo infantil que vai dando pasiños na Copa do Sar poñéndose en oitavos de final logo de derrotar o pasado domingo ao Praíña con tantos de Dani Parada e Vitor nun partido controlado polos nosos dende os primeiros minutos. Seguinte rival o Xuv. Oroso. Moita sorte.

 

Luns 23 de maio de 2016

 

COPA DO SAR INFANTIL.

 

Vitoria do equipo infantil na primeira rolda da Copa do Sar diante do Cruido nun partido disputado no Novo Campo Municipal de A Estrada (grazas ao Sporting polas facilidades dadas). Marcador final 7-0 nun partido no que os nosos foron superiores e así o refrexa o resultado final. Seguinte rival, o Praíña o vindeiro domingo en San Martiño en horario todavía por confirmar.

 

Venres 20 de maio de 2016

 

VII TORNEO ALEVÍN DO CALLOBRE C.F.

 

Xa tendes na columna da esquerda a páxina do noso torneo que no día de mañán chega a San Martiño...fútbol dende ás 09.15 horas. E xa sabedes para a semana: ¡¡¡o benxamín!!!

 

COPA DO SAR INFANTIL

 

Comeza a Copa do Sar para o equipo infantli que recibe na mañán do sábado ao Cruido. A disputa do torneo alevín fará que nos teñamos que desprazar ata o Novo Municipal (11.00 horas) para xogar esta elminatoria a partido único. Moita Sorte. 

 

Luns 09 de maio de 2016

 

FASE DE ASCENSO Á GALEGA CADETE.

Hoxe á noite terá lugar o sorteo da fase de Ascenso á liga Galega cadete que disputará o noso equipo logo dunha boa tempada ensombrecida polos últimos resultados. O obxetivo está cumprido pero agora toca rematar a tempada con nota. Sorte.

 

Posibles rivais (entre paréntise as delegacións nas que xogan): 
AS PONTES (FERROL)

VICTORIA B, ONCE CABALLEROS, SAN TIRSO, URAL, SANTA MARÍA (A CORUÑA)

FISTERRA, CORME (COSTA DA MORTE)

RESIDENCIA (LUGO)

COMPOSTELA, SÁLVORA, MILLADOIRO (SANTIAGO)

 

DESCENSO DO EQUIPO XUVENIL.

Non houbo carambola e acabamos pagando a nefasta segunda volta  e descendendo... Un pao grande para todos pois a calidade do equipo era para estar moito mais arriba. Pero cando todo se torce parece que non hai forma de enderezalo. Non queda outra que asumir os erros de todos e tratar de recuperarnos para a Copa que comeza o vindeiro sábado diante do Val do Ulla. 

 

Sábado 07 de maio de 2016

 

FINAIS DEe LIGA DE F11.

 

Chega o remate de competición para o fútbol 11 de primeira autonómica e faino cunha final para o equipo xuvenil que logo dunha nefasta segunda volta necesita vencer ao Cacheiras e esperar para non descender. Sen dúbida por equipo e calidade non tiñamos que estar nesa posición pero a situación é a que é....e non nos queda outra que asumir os erros. Agora a esperar e intentar gañar o último partido.

Tamén os infantiles disputan o seu último partido en San Martiño xa sen opcións de meterse na fase logo da derrota do pasado fin de semana fronte ao Unión. Pero campaña moi meritoria de todos que loitaron ata o último partido por entrar na promoción sen que ese fóra o obxetivo.

E por último os cadetes tamén se despiden da tempada regular á espera de coñecer o rival na FASE DE ASCENSO Á LIGA GALEGA, sorteo a celebrar o vindeiro luns en Santiago de Compostela. A recargar pilas e cambiar de actitude porque senón...mal imos. 

Martes 03 de maio de 2016

 

TORNEO BOQUEIXÓN

 

Chegou o primeiro torneo de final de tempada para algún dos nosos equipos e fixeron con bo balance.

O equipo Benxamín conseguía alzarse co título de consolación logo dunha irregular primeira fase na que alternamos partidos frouxos con outros mais completos. O San Lorenzo que amosou a súa superioridade no Grupo e acabou levándose o torneo, e o Conxo foron superiores na fase previa polo que tivemos que conformarnos co fase de consolación. Nesta fase fomos mellores que o resto pero tivemos que recurrir ao punto de penalti para levarnos o título. Aínda así noraboa e apretar un chisco mais no comezo.

O equipo Alevín B tamén acudía o domingo ao Forte e non tivo tanta sorte. A falta de efectivos e o Sol acuciante fixo dano a un equipo que caía nas semis da consolación pero dando unha gran imaxe de compañerismo e entrega. 

Xoves 14 de abril de 2016

 

REMATE PARA O FÚTBOL 8.

 

Tres dos catro equipos de fútbol 8 do noso club remataron a competición este fin de semana pasado. A baixa de conxuntos á principio de tempada fixo que a tempada rematase antes do que todos quixeramos pero agora virán amigables e torneos. 
Con bo sabor de boca despediuse o Alevín A que conseguía o quinto posto logo de vencer ao Boqueixón en O Forte. Obxetivo cumprido e pena dalgún punto que non se nos tiña que escapar...
O Benxamín A fíxoo con derrota en O Coto diante do Val do Ulla nun partido acorde ao resto da tempada...moitisimas ocasións erradas e goles de larga distancia. Sen embargo non nos queda outra que felicitar a este grupo de rapaces que competiron en tódolos campos e amosaron gran entereza e moita melloría. 

Por último o benxamín B seguiu a senda do A remata con derrota a tempada logo de errar ocasións e ocasións diante do Cruces. Tempada de altibaixos dos rapaces de Cesar e Alberto que  amosaron grandes momentos de entrega e xogo con outros mais oscuros e de deixarse levar. A nota positiva foi a mellora individual en algún dos rapaces.

O Alevín B seguirá competindo nas vindeiras semanas na súa liga a tres voltas. 

 

Luns 11 de abril de 2016

 

CONCURSO "A PELOTA TOLA"

 

Logo da primeira edición da tempada pasada, imos poñer en acción de novo o concurso que permitirá, aos agraciad@s, levarse un bo premio en metálico. Tratáse da PELOTA TOLA que como prinicipal novidade este ano englobará a Callobre c.f, Sporting Estrada e EEFB, nun pasiño mais na unión do fútbol base do pobo.

O vindeiro 18 de xuño, data da celebración do final de tempada, unha representación dos equipos máis novos do Concello xogarán un partido de f-11 no campo de San Martiño así como tamén no Manuel Regueiro, simultaneamente. Ditos campos estarán divididos (a traves de XPS) en 6000 parcelas, cada unha de elas "á venda" a 2 euros. Chegado o cronómetro ao minuto 07 e 40 segundos de cada parte, alí donde se encontre o balón serán as parcelas premiadas en cada campo que darán dereito a cobrar unha boa cantidade de cartos. 

As rifas circularán por aí en breve, así que non perdades a opción de facerse cunha parceliña de calquera dos dous campos porque, quen sabe, igual esa é a premiada...

 

Deixamos ás bases íntegras para que vexades como vai todo. 

BASES A PELOTA TOLA 2016
A PELOTA TOLA 2016.pdf
Documento Adobe Acrobat [422.3 KB]

Venres 1 de abril de 2014

 

ALBUMES E CROMOS

 

Hoxe verán a luz os álbumes e cromos dos equipos da base de A Estrada: Sporting Estrada, EEFB e Callobre c.f., un pasiño mais na unión do noso fútbol. 
A entrega dos álbumes (gratuita) terá lugar ás 18.45 para os rapaces do noso club no propio campo ao igual que para os do Sporting no seu, mentras que os prebenxamíns da Escola recibiranos nun pequeno acto no MOME(17.30). Haberá importantes premios para os primeiros en completar a colección...

 

TORNEOS DE SEMANA SANTA

 

Varios foron os equipos que disputaron torneos na pasada Semana Santa en diferentes puntos de Galicia.
Bo papel dos alevíns e benxamíns en Arrabaldo onde os primeiros acabaron en 5ª posición logo dunha inmaculada fase previa na que venceron en tódolos partidos pero no que a sorte foi esquiva nos cuartos de final nos que os penaltis nos deixaron fóra. Os segundos fixeron un torneo á inversa...moi mala sorte na fase de grupos onde mereceron máis caendo sempre pola mínima e espectacular fase de consolación que se acabaron levando a base de fútbol e goles. Noraboa.
Terceiros acabaron os infantiles en Silleda nun torneo marcado polo frío e intensa choiva do Sábado. O cansanzo fixo mella nos rapaces dirixidos por Patxi que aínda así deixaron unha boa imaxe.
E por último o equipo cadete xogaba no torneo do Sporting Estrada. Xogaba...por dicir algo. Pouco que comentar do que fixemos no Manuel Regueiro...mellor olvidalo e centrarnos na liga novamente.

 

PÉSAME

 

Queremos dende aquí transmitir o noso mais sentido pésame ás familias de Eduardo Muñiz e Manuel Canedo polo pasamento de ambos nos días pasados, ambos moi ligados ao noso club non fai moitos anos como directivos, pais ou afecionados. DEP.

Venres 4 de marzo de 2016

 

TORNEO 75º ANIVERSARIO DO CALLOBRE C.F.

 

Como xa sabedes o 2016 cúmprese o 75º aniversario do noso club e que mellor forma de celebralo levando a cabo un torneo especial. 

O sábado 28 de maio daranse cita en San Martiño as mellores canteiras de Galicia e como invitado especial o Real Madrid nun torneo pensado para benxamíns de 1º ano, nados no 2007. 

Levamos uns meses traballando "na sombra" para conseguir sacalo adiante e agora xa podemos dicir que é realidade. Só falta esperar a que chegue o día para disfrutar do fútbol en estado puro. Aqui deixamos a relación de equipos participantes:

 

REAL MADRID C.F CELTA DE VIGO RC DEPORTIVO  CD LUGO
PABELLÓN CF EF PORTERO 2000 VICTORIA C.F. RACING DE FERROL
EF LALÍN  BERTAMIRÁNS CF SP. ESTRADA  CALLOBRE C.F.

Luns 23 de febreiro de 2016

 

Este fin de semana coñeciamos a tráxica nova do pasamento de Francisco Pena, Paco, anterior presidente do noso club, feito polo que os nosos equipos gardaron un minuto de silencio. Queremos, dende aquí, transmitir o noso máis sentido pésame aos seus familiares. DEP.

Venres 22 de xaneiro de 2016

 

INAUGURACIÓN DOS NOVOS VESTIARIOS.

 

A falta duns pequenos retoques xa están operativos e listos os novos vestiarios do noso campo que agora si se converte nunha das mellores instalacións da zona: 6 vestiarios, enfermería, vestiario adaptado, 3 para árbitros, ximnasio... un luxo para nós, que sen dúbida fará medrar ao fútbol do pobo.

Mañán ás 12.15 terá lugar un pequeno acto de inauguración que rematará cos partidos de liga prebenxamín que enfrontan, en dous derbis, aos 4 equipos da nova Escola Estradense de Fútbol Base.

Martes 19 de xaneiro de 2016

CHEGA A PORRA DO CALLOBRE C.F.

 

A partir da próxima semana todo aquel que queira poderá facer unha pequena porra dos resultados dos equipos do noso club. Será tomando de exemplo a Quiniela cos resultados de 1-X-2 sendo o donativo de un euro e haberá que acertar os dez resultados dos nosos. Aquí deixamos as bases, un modelo do que será a nosa porra. A ver quen é o primeiro en acertar...

Bases da Porra do Callobre c.f..docx
Documento Microsoft Word [11.1 KB]

Venres 8 de xaneiro de 2016

 

VOLTA Á COMPETICIÓN

 

Unha vez finalizadas as vacacións de Nadal toca vestirse de curto de novo e retomar o pulso á competición. O mal tempo e os días festivos fixeron que durante o parón os adestramentos e partidos cambiasen de días e horas pero de novo todo volta á normalidade. Para mostra o próximo domingo no que poderedes ver fútbol en San Martiño durante case 8 horas ininterrumpidas (co partido de preferente polo medio). Arriba tendes o horario de encontros.

 

Mércores 23 de decembro de 2015

 

BO NADAL E FELIZ ANINOVO.

 

Chega o parón e con el as vacacións de Nadal. Queremos desexarvos dende aquí un Bo Nadal e un mellor aninovo.

 

ACTO DE INAUGURACIÓN DO CAMPO "MANUEL REGUEIRO" DE FIGUEROA.

 

Como xa anticipabamos semanas atrás o vindeiro sábado  terá lugar o acto de cambio de nome do campo de Figueroa, que a partir de agora pasará a chamarse campo "Manuel Regueiro" en honor ao ex-secretario do Sporting Estrada e da EEFB. E como o recoñecemento é máis que merecido aí estaremos nós para aplaudir a iniciativa. Durante todo o día disputaranse encontros no campo de fútbol e serán 3 os conxuntos do noso club os que acudan: cadetes (10.00 horas), benxamín (16.00 horas) e alevín (17.00 pero coa novidade de que será a fútbol 11).

O acto de homenaxe será ás 13.15 polo que todo aquel que así o desexa poderá achegarse ao novo campo "Manuel Regueiro".

EN MEMORIA DE MANUEL REGUEIRO

 

Onte foi aprobado polo Pleno do Concello a proposta do Sporting Estrada de que no campo Municipal de Figueroa se pasase a chamar Manuel Regueiro, en honor do falecido secretario do club amarelo. Un recoñecemento merecido e axeitado para un home que desviviu polo fútbol base estradense. Noraboa pola iniciativa.

 

PREBENXAMÍNS DA EEFB

 

Segue a competición para os prebenxas e seguen os rapaces estradenses a dar unha gran imaxe en tódolos campos. Esta semana teremos ración dobre de encontros da EEFB en San Martiño. O equipo C recibe ao Val do Ulla e o equipo A á EF Lalín nun dos mellores partidos que podemos atopar nestas idades. As 11.30 e 12.00 horas respectivamente. Os outros dous equipos viaxan a Silleda e Lalín para seguir facendo o que máis lles gusta, xogar ao fútbol. Sorte.

 

COPA DO SAR 

 

Non houbo sorte e tal como se intuía o Cacheiras foi moi superior aos nosos maiores, plagados de baixas, e levouse o pase de rolda de forma merecida pese a que os nosos conseguiron aguantar durante 35 minutos con empate a 1-1 no marcador. A centrarse na Liga e intentar cumprir obxetivos.

MOITO ÁNIMO, MANUEL ANXO.

 

Onte tocounos vivir un desos trances desagradables no  campo de Villestro co encontro de cadetes no que nun lance do xogo Manuel Anxo resultaba mancado e tiña que ser levado ao centro hospitalario.

Xa está na casa e tócanlle 3 días de reposo absoluto e un mes de parón deportivo. Nada grave finalmente pero susto grande o que levamos.

Queremos aproveitar para agradecer ao afecioado/pai do Villestro a súa colaboración no traslado ao Manuel Anxo ao hospital, ofrecéndose dende o primeiro momento a trasladalo no seu coche pois nos só tiñamos o bus non que nos achegaramos a A Barrosa. Tamén a Manolo, o nosos delegado, sempre preocupado polos rapaces e que estivo no hospital con Manuel Anxo ata a chegada do seus pais. Grazas, oxalá no fútbol base todos nos comportaramos así.

Martes 24 de novembro de 2015

 

MILUCO, CONVOCADO COA SELECCIÓN COMARCAL SUB-15

 

Un ano máis, Miluco foi convocado para participar no adestramento da Selección de Santiago da súa categoría. Será mañán mércores ás 16.00 horas en As Cancelas. Noraboa Milu.

Xoves 29 de outubro de 2015

 

NOVOS VESTIARIOS

 

Comezaron as obras nos futuros novos vestiarios de San Martiño que irán aloxados debaixo da grada. Unha parte máis que necesaria para o bo desenrolo das competicións no noso campo...pois os nosos vellos vestiarios hai días que non dan mais. En principio, deberían estar rematados antes do Nadal polo que teremos vestiarios novos coa chegada do 2016...Benvidos sexan.

Martes 6 de outubro de 2015

 

INICIO DA LIGA PREBENXAMÍN DA EEFB

 

O sábado pasado comezou a liga prebenxamín para os 45 nen@s da EEFB que, por fin, logo de moita espera viron como o balón votaba a rodar.

Dous partidos en San Martiño, o que enfrontaba aos equipos A e B e que rematou con vitoria clara para os maiores, equipo chamado a facer grandes cousas, pero que non empaña as gañas e ilusión postas polo equipo B, todo de primeiro ano, que a ben seguro seguirá mellorando co paso das xornadas. No outro campo vitoria merecida e celebrada a do equipo D que vencía por 5-1 ao Cruces cun gran encontro de tódolos rapaces e con Xenxo como killer ofensivo con 4 tantos.

O equipo C pola súa banda desprazábase ata Silleda para xogar contra o A local. Disputado, igualado e emocionante partido que finalmente se decantou para os nosos que fixeron un partido máis que completo para dar unha enorme alegría á nova ESCOLA. Para o sábado vindeiro máis!

 

Mércores 30 de setembro de 2015

 

INICIO DAS LIGAS DE F8

 

So quedaban os peques por empezar e logo dun mes de adestramentos, chega o momento de comezar a tempada. 4 equipos entre alevíns e benxamíns así como 4 equipos prebenxamíns da EEFB, aos que lle prestaremos gran atención, inician o sábado o fútbol semanal.

Moita sorte para todos e a disfrutar.

 

Sábado 19 de setembro de 2015

 

AGRADECEMENTO Á SD DUBRA

 

Queremos agradecer á SD Dubra as facilidades dadas para o cambio do encontro de xornada ligueira xuvenil polos inconvintes surxidos nos últimos días. Grazas a coordinador, adestrador e directiva do club coruñes, sabemos do incordio que causan as cousas así a última hora polo que vos debemos unha. 

 

Domingo 13 de setembro de 2015

 

VIAXE A BALAIDOS DOS NOSOS BENXAMÍNS.

 

Unha representación dos nosos benxamíns acudiu este domingo a Balaidos a disfrutar do fútbol de primeira división. Viron goles e bo fútbol, vivindo unha tarde cos compañeiros e comprobando in situ as habilidades de Nolito, Aspas,...

Esperemos que sexa o primeiro de moitos.

 

Luns 7 de setembro de 2015

 

TORNEO DE SILLEDA (ALEVÍN E BENXAMÍN)

 

Primeiro fin de semana de acción para os peques do club que se desprazaron ata Silleda para xogar o torneo da Escola Silledense pese a levar só 2 adestramentos.
O sábado foi o turno do equipo alevín, cunha mezcla de rapaces de primeiro e segundo ano que alternaron bos partidos con outros máis frouxos.  Finamente acabamos terceiros da consolación firmando un aceptable torneo.

 

Na mesma posición remataron os nosos benxamíns que deron un recital de loita e entrega. Oito valientes foron os que se achegaron ata Silleda para xogar un día enteiro e para os oito non podemos ter outras palabras que de recoñecemento e entrega pois so o Bertamiráns foi quen de derrotalos de forma clara. Un dez para eles e tamén o agradecemento aos pais e nais. 

Venres 4 de setembro de 2015

 

COMEZO DA TEMPADA OFICIAL

 

Logo dun mes de pretempada comeza a competición oficial para os equipos do noso club. O primeiro en saltar ao terreo de xogo será o conxunto cadete que recibirá ao Val do Ulla ás 17.00 horas en San Martiño coa mirada posta nos lugares altos da clasificación. Veremos se somos capaces de cumprir as expectativas.

E mañán polo mañán tocaralle o turno ao resto de equipos. En San Martiño ás 10.30 e 12.00 horas debutarán o infantil A e xuvenil respectivamente recibindo a dous osos da competición Santiago e Compostela. Ó infantil B tocaralle desprazarse ata Vila de Cruces para medirse ao un dos candidatos ao título.

Duros comezos para os nosos pero moitas gañas. Sorte

 

TORNEO EN SILLEDA

 

Con apenas dous adestramentos xa temos preparado evento para as categorías de f8. Este fin de semana os nosos amigos da EF Silleda celebran o seu torneo e alí estaremos nós devolvendo a visita que eles sempre nos fan.

Martes 1 de setembro de 2015

 

CAMBIO NAS PRIMEIRAS XORNADAS DE LIGA.

 

Cambio de última hora na disputa da primera xornada para o equipo cadete que ía debutar o domingo na casa fronte ao Val do Ulla pero finalmente será en Será o venres 4 de setembro ás 17.00 horas en San Martiño,  nunha liga na que temos moitas esperanzas. 

Tamén o equipo xuvenil varía o seu horario habitual nesta xornada recibindo na casa ao Compostela ás 12.00 horas xusto depois do infantil A. Esperemos que o cambio sexa para ben. Moita sorte a todos.

 

Luns 31 de agosto de 2015

 

BERTAMIRÁNS A, Campión do torneo cadete.

 

A superior categoría do Berta A tivo premio na nova edición do noso torneo no que os de Ames, que compiten na DIVISIÓN DE HONRA, revalidaban o título logo de vencer na final á EF Lalín por 1-0. Moito fútbol e boas maneiras as de moitos dos xogadores que pasaron polo campo de San Martiño.

En canto aos nosos dúas derrotas e un vitoria foi o balance dun torneo no que non nos foi especialmente ben. Toca adestrar para mellorar pois este equipo ten moito máis potencial do amosado.

 

Xoves 27 de agosto de 2015

 

TORNEO CADETE EN CALLOBRE

 

Este sábado desenrolarase en Callobre unha nova edición do noso torneo cadete de pretempada. Dous grupos de 3 equipos que comezarán a xogar ás 16.00 e que se disputarán o trofeo de gañador. Bertamiráns A, Compostela e Callobre compoñen o grupo A e Sp. Estrada, Bertamiráns B e EF Lalín o grupo B. Parece ser que o tempo dará unha pequena tregua así que todos a San Martiño a pasar unha tarde de fútbol.

Deixamos o arquivo cos horarios e partidos.

Torneo 2015
TORNEO CADETES CALLOBRE CF 2015.docx
Documento Microsoft Word [27.0 KB]

INICIO PRETEMPADA DE F8

 

O Vindeiro martes 1 de setembro comezará a pretempada para as categorías Benxamín e Alevín que un ano máis tentarán de seguir aprendendo disfrutando do noso deporte. A principal novidade este ano é que a categoría benxamín adestrará os dous días no campo, deixando a un lado o pavillón. 

En canto aos horarios de pretempada serán Martes de 17:15-18:45 para as 2 categorías e Venres (17:15 a 19:00 para a categoría benxamín e 19:00 a 20:45 para a alevín).

 

Luns 24 de agosto de 2015

 

PRETEMPADA EQUIPO SENIOR

 

Hoxe comeza a pretempada para o equipo senior que ten a súa principal novidade no banco no que debutará como adestrador Simal. Mantemos o 90 % do plantel do ano pasado e ademáis soben os rapaces que pasan da categoría xuvenil. Moitas esperanzas nun equipo que o ano pasado quedou ás portas do ascenso. Sorte!

 

Luns 17 de agosto de 2015

MAIS AMIGABLES  E NOVIDADES.

 

Segue a disputa de encontros amigables polos nosos equipos. Desta vez foi un combinado infantil o que se enfontrou o sábado a un conxunto de xogadores do Bertamiráns en San Martiño con resultado de 1-1 pero con moi boas sensacións para os nosos que se amosaron superiores en boa parte do encontro ao rival.

 

Xa coñecemos tamén os inicios ligueiros para o f-8 que será o primeiro fin de semana de outubro polo que a pretempada dará comezo o 1 de setembro para alevíns, benxas e prebenxamíns (recordade, estos últimos xa como EEFB).

 

Ademáis tamén sabemos calendarios para o INFANTIL B e CADETE B (de recén creación). Pouco a pouco iremos subindo tódolos arquivos de tódolos grupos que nos interesan.

 

ACORDO CO ESTUDIANTIL

 

Como xa sabedes, esta tempada pasada rematou o noso convenio de filialidade co Estudiantil pero sen embargo seguimos mantendo un pequeno lazo de unión con eles pois continuan adestrando e xogando no campo de San Martiño. Por iso, tódolos socios do noso club terán un desconto para aboarse tamén ao club de Loimil tendo que pagar unha cuota de 30 euros (independente da nosa). Fútbol de preferente en San Martiño por menos de 2 euros o partido.

Ademáis, mañán e de balde, un máis que apetitoso encontro entre o Estudiantil e a SD Compostela da 2ª B. Se queredes fútbol....pasade por San Martiño a partir das 20.30 horas.

 

 

Miércoles 12 de agosto de 2015

 

CALENDARIOS E PRIMEIRAS XORNADAS DA BASE NO FÚTBOL 11

 

Como xa vos comentabamos estanse a levar a cabo tódolos sorteos das ligas e xa coñecemos os primeiros rivais para os equipos de 1ª Autonómica, todos debutarán como locais o fin de semana do 5-6 de setembro:

O cadro xuvenil recibirá ao Compostela B, os cadetes ao Val do Ulla e o equipo infantil ao segundo conxunto do Santiago de Compostela. Arriba tendes os calendarios completos por se queredes investigar...

 

AMIGABLES

Primeiros partidos de pretempada para o equipo xuvenil e infantil. O primeiro conseguía vencer ao Sporting Estrada por 2-1 en San Martiño mentres que o conxunto infantil facía o propio co mesmo resultado en Caldas. Pouco a pouco imos engrasando a máquina.

 

 

Martes 11 de agosto de 2015

 

PRIMEIRO AMIGABLE E CALENDARIO DOS SENIORS.

 

O equipo cadete disputou o seu primeiro encontro da pretempada logo de 3 adestramentos. Vitoria en Rois por 1-5 con boas sensacións. A seguir nesa liña.

 

Por outro lado xa coñecemos o primeiro rival do equipo de maiores. Será o Santiso, que visitará Callobre o próximo 20 de setembro. Voltamos ao grupo do Deza Tabeirós polo que nos tocará viaxar de novo maioritariamente aos campos da provincia de Pontevedra. 

 

Xoves 6 de agosto de 2015

 

SORTEOS DAS DIFERENTES COMPETICIÓNS.

 

A vindeira semana (de luns a xoves) terán lugar os diferentes sortes de calendarios das competicións nas que participa o noso club dende f-11 a f-8 coa dúbida do grupo no que resultará encadadrado o equipo senior. Iremos informando.

 

DAVID SIMAL, NOVO ADESTRADOR DO EQUIPO DE MAIORES.

 

O equipo senior do noso club estrea adestrador esta tempada. Trátase de David Simal, ex-técnico do Praíña SPC, e tamén ex-xogador do noso club e do Estradense entre outros.

Esperemos que a sorte acompañe ao novo mister que ven a sustituir a Payno, para o cal non temos máis que palabras de agradecemento.

 

Xoves 27 de xullo de 2015

 

INICIO DE PRETEMPADA PARA A BASE DE FÚTBOL 11.

 

Xa estamos de volta. A vindeira semana comezarán os adestramentos de fútbol 11 dos nosos equipos de base e fárano nos seguintes días (entre paréntesis os días e horas de comezo dos adestramentos, cambiados e no campo):

 

  • CATEGORÍA XUVENIL: Luns 3 de agosto (luns, martes e xoves, 20,30)
  • CATEGORÍA CADETE: Martes 4 de agosto (martes, mércores e venres 19.15)
  • CATEGORÍA INFANTIL: Mércores 4 de agosto (luns -18.30-, mércores -18:00- e xoves -18:30).

Comezamos....

 

 

 

PATROCINADORES

2015-2016

 

CONTACTO

CALLOBRE C.F.
A RIVA - CALLOBRE s/n
36688 A ESTRADA
Teléfono: +34 655471140

E-mail: callobrecf@callobrecf.com

 

 

¿QUERE FACERSE SOCIO?

Chame o teléfono +34 655471140

Ou ben utilice o noso formulario de contacto.

 

El Tiempo en Estrada, A

PROGRAMA FÉNIX da RFEF